უცხოელებისთვის თურქეთის რესპუბლიკის მოქალაქეობაში მიღების წესში ცვლილებები შევიდა. Report.ge-ს ცნობით, გადაწყვეტილებას თურქეთის რესპუბლიკის პრეზიდენტმა რეჯეფ თაიფ ერდოღანმა მოაწერა ხელი.
დოკუმენტის მიხედვით, თურქეთის მოქალაქეობის მიღების ძირითადი დებულებები და კრიტერიუმები შემდეგნაირად განისაზღვრება :
1. 250 ათასი აშშ დოლარის ღირებულების უძრავი ქონების შეძენა;
2. 500 ათასი დოლარის ოდენობის დეპოზიტის ბანკში განთავსება;
3. 500 ათასი დოლარის ოდენობის ფასიანი ქაღალდების შეძენა;
4. 500 ათასი აშშ დოლარის ღირებულების სახელმწიფო ობლიგაციების შეძენა;
5. 500 ათასი აშშ დოლარის ღირებულების საინვესტიციო ფონდების წილების შეძენა;
6. 50 სამუშაო ადგილის შექმნა.
ვინც ამ დებულებიდან ერთ-ერთს მაინც შეასრულებს, თურქეთის მოქალაქეობას დაუყოვნებლივ მიიღებს.