თურქეთის ჩრდილო-დასავლეთ ნაწილში ფარმაცევტული კომპანია Pfizer-ისა და BioNTech-ის მიერ წარმოებული COVID-19-ის ვაქცინა მოხალისეებზე გამოსცადეს. ამის შესახებ საინფორმაციო სააგენტო Anadolu იუწყება.
გამოცემის ცნობით, კორონავირუსის ვაქცინაცია 40 მოხალისეს ჩაუტარდა. მოხალისეები ძირითადად სამედიცინო მუშაკებითა და აკადემიკოსებით არიან დაკომპლექტებული.
კორონავირუსის საწინააღმდეგო ვაქცინაზე მომუშავე კომპანიებია Pfizer ტესტირების შედეგებზე დაყრდნობით აცხადებს, რომ ვაქცინა 95%-იანი ეფექტურობით მოქმედებს. ეფექტურობის საბოლოო ანალიზმა აჩვენა, რომ ვაქცინა ეფექტურია COVID-19– ს წინააღმდეგ პირველი დოზის მიღებიდან 28 დღის შემდეგ.
ამ დროისათვის, ვაქცინა ტესტირების მესამე ეტაპს მრავალ ქვეყანაში გადის. საბოლოო შედეგები ნოემბრის ბოლოს ან დეკემბრის თვის დასაწყისში გახდება ცნობილი.
