თურქეთის ცენტრალურ ნაწილში მდებარე სივასის პროვინციაში თოვლის გამო 267 გზა ჩაკეტილია. დასავლეთით, ნისლის გამო, სრუტეებით მოძრაობა შეზღუდულია. Report.ge-ს ცნობით, ინფორმაციას TRT Haber ავრცელებს.
"სივასის პროვინციაში თოვლის გამო, 267 სასოფლო გზა მოძრაობისთვის ჩაკეტილია", - იტყობინება ტელეარხი.
გზების გასაწმენდად თოვლის საწმენდი ტექნიკა გამოიყენეს.
ტელეკომპანიის ცნობით, დღეს დილით დარდანელის სრუტე სატრანზიტო გემებისთვის ორივე მიმართულებით დროებით დაიკეტა, რადგან ძლიერი ნისლის გამო ხილვადობა შემცირდა.
