Twitter-მა ამერიკის პრეზიდენტის, დონალდ ტრამპის პოსტი გამოქვეყნებიდან რამდენიმე წუთში დამალა და განმარტა, რომ მისი სიტყვები სადავო შინაარსისაა, რომელმაც შეიძლება საზოგადოება შეცდომაში შეიყვანოს.
"დემოკრატები არჩევნების მოპარვას ცდილობენ, მაგრამ ჩვენ ამას არასოდეს დავუშვებთ. არჩევნების დასრულების შემდეგ ხმის მიცემა შეუძლებელია", - ასეთი სიტყვები დაწერა ტრამპმა Twitter-ზე.
We are up BIG, but they are trying to STEAL the Election. We will never let them do it. Votes cannot be cast after the Polls are closed!
— Donald J. Trump (@realDonaldTrump) November 4, 2020
ტრამპის მიერ დაწერილი სიტყვები მას შემდეგ გამოქვეყნდა, რაც ტრამპის კონკურენტი, პრეზიდენტობის კანდიდატი ჯო ბაიდენი სიტყვით გამოვიდა და განაცხადა, რომ მას სჯერა გამარჯვების. Twitter-მა ტრამპის პოსტს გამაფრთხილებელი ნიშანი დაუყენა.
ცნობილია, რომ ტრამპმა Facebook-ზეც გამოაქვეყნა იდენტური შეტყობინება, თუმცა მსგავსი გაფრთხილება არ მიუღია.
თეკო გიორგაძე
ავტორი