კიევსა და მოსკოვს შორის მზარდი დაძაბულობის ფონზე უკრაინის პრეზიდენტი ვლადიმერ ზელენსკი საფრანგეთში პრეზიდენტთან ემანუელ მაკრონთან და გერმანიის კანცლერთან ანგელა მერკელთან ერთად მოლაპარაკებებს მართავს. ზელენსკი-მაკრონის პირისპირ შეხვედრა პარიზში, საპრეზიდენტო სასახლეში შედგება. შემდეგ კი გაფართოებულ მოლაპარაკებებს ანგელა მერკელი სახით შეუერთდება. ინფორმაციას Toronto Star ავრცელებს.
სამი ქვეყნის ლიდერი შეხვედრა უკრაინის მოვლენებთან დაკავშირებით დასავლეთის უკიდურესი შეშფოთების ფონზე მიმდინარეობს. უკრაინის საზღვართან რუსეთმა დიდი რაოდენობით სამხედრო ძალებს მოუყარა თავი. პრეზიდენტმა ზელენსკიმ საერთაშორისო მედიისთვის მიცემულ ინტერვიუში გააცხადა, რომ "სიტყვიდან საქმეზე გადასვლის დროა". ზელენსკის თქმით, დღევანდელი მოლაპარაკებებში, პირველ რიგში, უსაფრთხოების საკითხები იქნება განხილული. უკრაინა მხარდაჭერას ელოდება ევროკავშირისგან და NATO-სგან.
უკრაინის პრეზიდენტის თქმით, პარიზის მოლაპარაკებები ეგრეთ წოდებული ნორმანდიული ფორმატის (უკრაინა, რუსეთი, საფრანგეთი და გერმანია) მოსამზადებელი შეხვედრა იქნება. ამ ფორმატში დიალოგი ბოლოს 2019 წლის დეკემბერში გაიმართა.
მედეა ცხოვრებაძე
ავტორი