უკრაინის მთავარმა სანიტარულმა ექიმმა ვიქტორ ლიაშკომ განაცხადა, რომ ქვეყანაში "კოვიდ სერტიფიკატები", რომლებიც ვაქცინირებული პირებისათვის გარკვეულ პრივილეგიებს უზრუნველყოფენ, 1 ივლისიდან ამოქმედდება. ამის შესახებ უკრაინული მედია იუწყება.
"უკრაინა "კოვიდ სერტიფიკატების" დანერგვის მიზნით ორ სამუშაო ჯგუფთან თანამშრომლობს. ერთი მათგანის არის - ჯანმო, ხოლო მეორე - ევროკავშირი, რომელიც ვაქცინირებულებს გარკვეულ პრივილეგიებს სთავაზობს”, - განაცხადა ლიაშკომ.
მისივე თქმით, ამ დროისათვის ვაქცინაციის შესახებ ყველა მონაცემი ელექტრონული ჯანდაცვის სისტემაში ტარდება. ამის პარალელურად, ჯანმო-სა და ევროკავშირთან თანამშრომლობით ახალი ტექნიკური საკითხები მუშავდება.
"რასაც ჯამო დაამტკიცებს - ეს იქნება ჩვენთანაც, რაც ევროკავშირში იქნება შემოღებული - ეს წესები იმოქმედებს ჩვენთანაც. მზად ვართ, რომ 1 ივლისიდან ამგვარი სერთიფიკატები ამოქმედდეს", - აღნიშნა ლიაშკომ.
შეგახსენებთ, რომ ევროკავშირი COVID პასპორტის სისტემის ამოქმედებას ივნისის თვიდან გეგმავს. ეს საშუალებას მისცემს ვაქცინირებულ მოქალაქეებს, შეზღუდვების გარეშე იმოგზაურონ.