უკრაინის კოსმოსური სააგენტო აპირებს, თანამშრომლობა შესთავაზოს SpaceX-ისა და Tesla-ს დამფუძნებელს ილონ მასკს. ამის შესახებ ინფორმაციას უკრაინული მედია ავრცელებს.
"მასკთან თანამშრომლობის შესახებ შემიძლია ვთქვა, რომ დიახ, ჩვენ ვგეგმავთ შევთავაზოთ მას, რომ იმუშაოს ერთობლივი პროექტების შემუშავებაზე", - განაცხადა უკრაინის კოსმოსური სააგენტოს ხელმძღვანელმა.
გარდა ამისა, ქვეყნის პრეზიდენტმა ვლადიმერ ზელენსკიმ დღეს იური გაგარინის კოსმოსში გაფრენის 60 წლის იუბილესთან დაკავშირებით განაცხადა, რომ კოსმოსში პირველი პილოტირება უკრაინის გარეშე შეუძლებელი იქნებოდა.
"პირველი კოსმოსში გაფრენა უკრაინის გარეშე შეუძლებელი იქნებოდა. 60 წლის წინ უკრაინელმა დიზაინერებმა მიიღეს მონაწილეობა კოსმოსური პროგრამის შექმნაში", - დასძინა უკრაინის ლიდერმა.
