აშშ-ის ახლადარჩეულმა პრეზიდენტმა, დემოკრატმა ჯო ბაიდენმა სახელმწიფო მდივნის კანდიდატურად ტონი ბლინკენის კანდიდატურა შეარჩია. ამის შესახებ ინფორმაციას გამოცემა The Hill ავრცელებს.
2015-2017 წლებში ბლინკენი სახელმწიფო მდივნის მოადგილედ მუშაობდა, 2009-2013 წლებში კი ეროვნული უსაფრთხოების საკითხებში პრეზიდენტის მრჩეველი იყო.
აშშ-ის სახელმწიფო მდივნის კანდიდატურას პრეზიდენტი დასამტკიცებლად სენატს წარუდგენს.
2018 წელს აშშ-ს სახელმწიფო მდივნად ცენტრალური სადაზვერვო სამსახურის ყოფილი დირექტორი მაიკ პომპეო დაამტკიცეს.
