ზიმბაბვეში ეპიდემიის გავრცელებიდან დღემდე კორონავირუსის გავრცელების პრევენციის მიზნით დაწესებული შეზღუდვების დარღვევისთვის 105,000-ზე მეტი ადამიანი დააკავეს. ამის შესახებ ინფორმაციას BBC ავრცელებს.
გამოცემის ცნობით, ბოლო ორი დღის განმავლობაში სამართალდამცველებმა ათასამდე ადამიანი დააკავეს, რომლებიც ქუჩებში აუცილებლობელი საჭიროების გარეშე გადაადგილდებოდნენ და პირბადე არ ეკეთათ.
მთავრობის ოპონენტები აცხადებენ, რომ ხელისუფლება აკრძალვებს ოპოზიციის წინააღმდეგ იყენებს და აქტივისტებს უსამართლოდ აპატიმრებს.
31 ივლისს ქვეყანაში პრეზიდენტ ემერსონ მნანგაგვას გადადგომის მოთხოვნით საპროტესტო აქცია გაიმართება.