დაბა ბაკურიანში 25 წლის მამაკაცი გარდაცვლილი იპოვეს. ოჯახი ვარაუდობს, რომ ახალგაზრდა მოკლულია. შსს-ს გამოძიება 115-ე მუხლით აქვს დაწყებული, რაც თვითმკვლელობამდე მიყვანას გულისხმობს.
გარდაცვლილი ზესტაფონიდანაა. იგი მეუღლესთან ერთად ბაკურიანში ექვსი წელია რაც ცხოვრობდა და მუშაობდა. შემთხვევა 11 აგვისტოს მოხდა. მის შესახებ კი ინფორმაცია დღეს "სამხრეთის კარიბჭემ" გაავრცელა.
სასამართლო სამედიცინო ექსპერტი, დავით მერაბიშვილი აცხადებს, რომ 25 წლის მამაკაცს ჭრილობა ახლო მანძილიდან გულ-მკერდის არეში მიბჯენით აქვს მიყენებული.
