ჩოხატაურში "რომპეტროლის" ბენზინგასამართი სადგური დააყაჩაღეს.
უცნობმა პირებმა ბენზინგასამართი სადგურის თანამშრომელს თანხა გასტაცეს და მიიმალნენ.
თავდამსხმელები ცივი იარაღით იყვნენ შეიარაღებულნი. თანხის ოდენობა ამ დროისთვის უცნობია.
შინაგან საქმეთა სამინისტროს ცნობით, ფაქტთან დაკავშირებით, გამოძიება სისხლის სამართლის კოდექსის 179-ე მუხლით დაიწყო, რაც ყაჩაღობას გულისხმობს.
