ქობულეთში, რუსთაველის ქუჩაზე ცეცხლსასროლი იარაღით ახალგაზრდა კაცი დაჭრეს, - ამის შესახებ ინფორმაციას tv25 ავრცელებს. დაჭრილს, ამ წუთებში, სასწრაფო ოპერაცია უტარდება.
როგორც report.ge-ს შინაგან საქმეთა სამინისტროში განუცხადეს, გამოძიება საქართველოს სსკ-ის 19-108-ე მუხლით, განზრახ მკვლელობის მცდელობის ფაქტზე მიმდინარეობს. ჩადენილი დანაშაული 7-დან 15 წლამდე თავისუფლების აღკვეთას ითვალისწინებს.
უწყების ინფორმაციით, ფაქტზე საგამოძიებო მოქმედებები მიმდინარეობს.
მომხდართან დაკავშირებით, დამატებითი დეტალები ამ ეტაპზე უცნობია.
