ლანჩხუთში სამგზავრო მატარებელი 70 წლამდე კაცს დაეჯახა, რომელიც ადგილზე გარდაიცვალა.
Report.ge რკინიგზის დეპარტამენტს დაუკავშირდა, სადაც განგვიცხადეს რომ სამგზავრო მატარებელი ბათუმიდან თბილისში მიემგზავრებოდა, შემთხვევის შემდეგ მატარებელმა მოძრაობა შეაჩერა. ადგილზე იმყოფებოდნენ სასწრაფო-სამედიცინო დახმარების ჯგუფები და საპატრულო ეკიპაჟები.
როგორც Report.ge-ს შსს-ში განუცხადეს, მომხდარზე შინაგან საქმეთა სამინისტრომ გამოძიება სისხლის სამართლის კოდექსის 275 მუხლით დაიწყო, რაც სარკინიგზო ტრანსპორტის მოძრაობის, ან ექსპლუატაციის წესის დარღვევას გულისხმობს.
ლევან ფანცხავა
ავტორი