შინაგან საქმეთა სამინისტრომ გორში მომხდარ ინციდენტზე გამოძიება დაიწყო. როგორც ცნობილია, ახალგაზრდები ჯერ ერთმანეთს ფიზიკურად დაუპირისპირდნენ, რის შემდეგაც ჩხუბში მონაწილე პირებმა, ერთ-ერთი მოზარდი ძალის გამოყენებით მანქანაში ჩასვეს და წაიყვანეს.
როგორც report.ge-ს შსს-დან აცნობეს, ფაქტზე გამოძიება სსკ-ის 143-ე მუხლით მიმდინარეობს, რაც თავისუფლების უკანონოდ აღკვეთას გულისხმობს.
უწყების ცნობით, მიმდინარეობს საგამოძიებო მოქმედებები და ყველა პირი ამ დროისთვის იდენტიფიცირებულია.
