დღეს, გამთენიისას, "ნაციონალური მოძრაობის" ერთ-ერთი ლიდერის, გლდანის მაჟორიტარობის კანდიდატის, ნიკა მელიას საარჩევნო ოფისი უცნობმა პირებმა დაწვეს.
დაზიანებულია შენობის შიდა ნაწილი და ჩამსხვრეულია შუშები. ინციდენტის შესახებ პირველად მიმდებარე ტერიტორიაზე მცხოვრებლებმა გაიგეს.
ადგილზე ამ წუთებში ექსპერტ-კრიმინალისტები და საპატრულო პოლიცია მუშაობს.
report.ge დეტალების გარკვევას შინაგან საქმეთა სამინისტროში ცდილობს.
სალომე კაპანაძე
ავტორი