ზუგდიდში ახალგაზრდა მამაკაცი დაჭრეს. წინასწარი ინფორმაციით, ჭრილობები მას ბასრი საგნით აქვს მიყენებული.
დაშავებული სასწრაფო სამედიცინო დახმარების ჯგუფმა ზუგდიდის რეფერალურ ჰოსპიტალში გადაიყვანა. მედიკოსების განცხადებით, დაჭრილის მდგომარეობა საშუალო სიმძიმისაა.
როგორც report.ge-ს შინაგან საქმეთა სამინისტროში განუცხადეს, ფაქტზე გამოძიება სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.
სამართალდამცველებმა მოხდართან დაკავშირებით ერთი პირი დააკავეს.