სამართალდამცველებმა გორში ე.წ. ქურდულ სამყაროსთან კავშირის ბრალდებით 5 პირი დააკავეს. ხუთივე მათგანი საკუთარ სახლებში აიყვანეს.
როგორც ადგილობრივები აცხადებენ, სპეცოპერაცია რამდენიმე საათის წინ ჩატარდა.
ამ წუთებში, გორის პოლიციის სამმართველოსთან დაკავებულების ოჯახის წევრები იმყოფებიან. ისინი ამ ეტაპზე მომხდარზე კომენტარს არ აკეთებენ.
შინაგან საქმეთა სამინისტრო სპეცოპერაციასთან დაკავშირებით განმარტებას ჯერჯერობით არ აკეთებს.
