კრიმინალური პოლიციის დეპარტამენტის და საბაჟო დეპარტამენტის თანამშრომლებმა თბილისის აეროპორტში მგზავრის ბარგში 2 კილოგრამამდე დაფასოებული კოკაინი აღმოაჩინეს. შედეგად, 1979 წელს დაბადებული თურქეთის მოქალაქე დააკავეს.
დანაშაული 8-დან 25 წლამდე ვადით ან უვადო თავისუფლების აღვეთას ითვალისწინებს.
გამოძიებით დგინდება, რომ ნარკოტიკი, მოქალაქემ ბრაზილიის რესპუბლიკაში შეიძინა და ტრანსიტული გზით საქართველოში შემოჰქონდა.
გამოძიება დიდი ოდენობით ნარკოტიკული საშუალების უკანონო შეძენა-შენახვისა და საქართველოში უკანონოდ შემოტანის ფაქტზე, საქართველოს სისხლის სამართლის კოდექსის 260-ე მუხლის მე-6 და 262-ე მუხლის მე-4 ნაწილებით მიმდინარეობს.
