თბილისში 29 დეკემბერს მომხდარი დაჭრის ფაქტზე ძებნილი ორი პირი აბასთუმანში დააკავეს. ამის შესახებ შსს იტყობინება.
დაკავებული წარსულში მძიმე დანაშაულებისთვის არის ნასამართლევი. მას განზრახ მკვლელობის მცდელობა და ცეცხლსასროლი იარაღის მართლსაწინააღმდეგო შეძენა-შენახვა-ტარება ედება ბრალად.
დანაშაული 7-დან 15 წლამდე ვადით თავისუფლების აღკვეთას ითვალისწინებს
მასთან ერთად დააკავეს კიდევ ერთი პირი, რომელსაც განსაკუთრებით მძიმე დანაშაულის შეუტყობინებლობაში ედება ბრალი, რაც 3-დან 7 წლამდე ვადით თავისუფლების აღკვეთას ითვალისწინებს.
სამართალდამცველებმა, დაკავებულების პირადი ჩხრეკისას, ნივთმტკიცების სახით ამოიღეს 2 პისტოლეტი.