ბორჯომში მოკლული კაცი, 36 წლის ლევან ნამგალაძეა.
ახალგაზრდა დღეს ცივი იარაღით დაჭრეს, რის შემდეგაც ბორჯომის სამედიცინო ცენტრში მივიდა, თუმცა, მისი გადარჩენა ექიმებმა ვერ შეძლეს.
ლევან ნამგალაძეს მეუღლე და ორი შვილი დარჩა.
წინასწარი ინფორმაციით, საქმე ეხება კრიმინალურ ავტორიტეტებს შორის მომხდარ გარჩევას.
მომხდართან დაკავშირებით დამატებითი დეტალები უცნობია.
შინაგან საქმეთა სამინისტრომ ფაქტზე გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს.
დამნაშავე ადგილიდან მიიმალა.
