ახალგაზრდა მამაკაცი ცეცხლსასროლი იარაღით გუშინ მეზობლის სახლში მოკლეს. ადგილობრივების თქმით, ის 31 წლის დათო შარაშიძეა.
ოფიციალური ცნობა ამ დრომდე არ საჯაროვდება, თუმცა გავრცელებული ინფორმაციით მას სასიკვდილო ჭრილობა თავის არეში ჰქონდა მიყენებული. ცნობილია, რომ ფაქტს წინ დაპირისპირება უძღოდა. როგორც თანასოფლელები ყვებიან, მკვლელობაში ეჭვმიტანილი და მოკლული საუკეთესო მეგობრები იყვნენ.
ეჭვმიტანილი ამ დრომდე არ დაუკავებიათ. ის შემთხვევის ადგილიდან მიიმალა. შსს-მ გამოძიება სსკ=ის 108-ე მუხლით დაიწყო, რაც განზრახ მკვლელობას გულისხმობს.
