ვაკეში მომხდარი სისხლიანი დაპირისპირების ახალი დეტალები-არსებული ინფორმაციით ადგილი ჰქონდა ფულის გამოძალვის მცდელობას, რასაც ჩხუბი, შემდეგ კი გასროლა მოჰყვა. გარჩევაში რამდენიმე მამაკაცი მონაწილეობდა. მათგან ერთ-ერთმა დანა გამოიყენა, რასაც გასროლა მოჰყვა. დაჭრილია ჩხუბში მონაწილე ორივე მამაკაცი.
თვითმხილველების ინფორმაციით ერთ-ერთ მამაკაცს ქალი ახლდა, რომელიც მამაკაცების გაშველებას ცდილობდა. მას დაზიანებები არ მიუღია.
დაჭრილები, სასწრაფო დახმარების ჯგუფებმა მე-9 საავადმყოფოში გადაიყვანეს. პაციენტებიდან ერთ-ერთის მდგომარეობა მძიმეა. მას ოპერაცია უტარდება.
report.ge-ს შინაგან საქმეთა სამინისტროში განუცხადეს, მომხდარზე გამოძიება სსკ-ის 19-108 მუხლით დაიწყო, რაც განზრახ მკვლელობის მცდელობას გულისხმობს. აღნიშნული მუხლი 7-დან 15-წლამდე პატიმრობას ითვალისწინებს.
გვანცა ჭანტურია
ავტორი