ინტერნეტ პორტალი CoinDesk-ის მონაცემების მიხედვით, ბიტკოინის ფასი 5,35%-ით შემცირდა და 38 908 აშშ დოლარი შეადგინა.
გასულ კვირაში ბიტკონის ფასმა $35 ათასს გადააჭარბა და ისტორიული რეკორდი განაახლა.
დეკემბერში კრიპტოვალუტის ფასი 50%-ით გაიზარდა ხოლო წინა კვირაში ბიტკოინის ფასმა $34 000 შეადგინა.
დაახლოებით თვენახევრის წინ მისი ფასი 17 000 დოლარს ოდნავ აჭარბებდა, თუმცა სულ რაღაც რამდენიმე კვირაში მისი ღირებულება თითქმის გაორმაგდა.
ბიტკოინი პირველი დეცენტრალიზებული ციფრული ვალუტაა, რომელიც 2008 წელს შეიქმნა. ის წარმოიქმნება, ინახება და იხარჯება ელექტრონულად. მას ცენტრალური ბანკი არ აკონტროლებს და მისი შექმნა ნებისმიერი ძლიერი კომპიუტერიდან სპეციალური ალგორითმის მეშვეობით შეიძლება.
