საქართველოს სტატისტიკის ეროვნული სამსახურის ექსპრეს მონაცემებით, 2020 წლის იანვარ-ოქტომბერში საქართველომ 2 715.3 მლნ. აშშ დოლარის ექსპორტი განახორციელა. წლიურ ჭრილში მონაცემი 11.1 პროცენტით არის შემცირებული.
სტატისტიკის მიხედვით, საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 9 159.5 მლნ. აშშ დოლარი შეადგინა, რაც წინა წლის შესაბამისი პერიოდის მაჩვენებელზე 15.0 პროცენტით ნაკლებია.
წელს საქართველოში იმპორტი 6 444.2 მლნ. აშშ დოლარს გაუტოლდა, რაც 16.6 პროცენტით ნაკლებია წინა წელთან შედარებით.
უარყოფითმა სავაჭრო ბალანსმა 2020 წლის იანვარ-ოქტომბერში 3 728.9 მლნ. აშშ დოლარი და საგარეო სავაჭრო ბრუნვის 40.7 პროცენტი შეადგინა.
საქართველოს საგარეო ვაჭრობის დეტალურ მონაცემებს საქსტატი მიმდინარე წლის 19 ნოემბერს გამოაქვეყნებს.
ბელა გელაშვილი
ავტორი