საქართველოს სტატისტიკის ეროვნული სამსახურის ექსპრეს მონაცემებით, 2020 წლის იანვარ-ოქტომბერში საქართველოში 6 444.2 მლნ. აშშ დოლარის იმპორტი განხორციელდა. წლიურ ჭრილში მონაცემი 16.6%-ითაა შემცირებული.
მიმდინარე წლის 10 თვეში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 9 159.5 მლნ. აშშ დოლარი შეადგინა, რაც წინა წლის შესაბამისი პერიოდის მაჩვენებელზე 15.0 პროცენტით ნაკლებია.
წელს საქართველომ 2 715.3 მლნ. აშშ დოლარის ექსპორტი განახორციელა, რაც მაჩვენებლის 11.1 პროცენტიან კლებაზე მიუთითებს.
უარყოფითმა სავაჭრო ბალანსმა 2020 წლის იანვარ-ოქტომბერში 3 728.9 მლნ. აშშ დოლარი და საგარეო სავაჭრო ბრუნვის 40.7 პროცენტი შეადგინა.
საქართველოს საგარეო ვაჭრობის დეტალურ მონაცემებს საქსტატი მიმდინარე წლის 19 ნოემბერს გამოაქვეყნებს.
ბელა გელაშვილი
ავტორი