გორის რაიონულმა სასამართლომ 5 წლის ბავშვის მიმართ გარყვნილ ქმედების ფაქტზე ბრალდებულს 6 წლით თავისუფლების აღკვეთა მიუსაჯა. ივლისის თვეში დაწყებული საქმის განხილვა სასამართლომ ოქტომბერში დაასრულა. ბრალდებულმა დანაშაული აღიარა და გამომდინარე იქიდან, რომ მას წარსულში გადატანილი ჰქონდა იშემიური ინსულტი, მოსამართლემ ეს ყველაფერი შემამსუბუქებელ გარემოებად მიიღო. როგორც საქმის მასალებიდან ირკვევა, 2019 წლის მარტიდან ივლისის ჩათვლით, დღის საათებში, თავისი და დაზარალებულის საცხოვრებელ სახლებში, ო.ი-მ წინასწარი შეცნობით 5 წლის ასაკის ბავშვის მიმართ რამდენჯერმე განახორციელა გარყვნილი ქმედება.
ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.
თამთა კაპანაძე
ავტორი