თბილისის სააპელაციო სასამართლოში გიორგი შაქარაშვილის მკვლელობის საქმის განხილვა გაიმართა.
დღევანდელ სხდომაზე ადვოკატებმა სხდომის გახსნისა და პროკურორების აცილების შუამდგომლობა დააყენეს.
უფლებადამცველების განცხადებით, ყველა მსჯავრდებული სრულწლოვანია, ამიტომ პროცესები ღიად უნდა წარიმართოს. მოსამართლემ აღნიშნული შუამდგომლობა დააკმაყოფილა და სასამართლო სხდომა გახსნა.
მეორე შუამდგომლობა კი, რომელიც დაცვის მხარემ დააყენა, საქმის პროკურორების აცილება იყო. მოსამართლემ მსჯავრდებულების უფლებადამცველებს შაუმდგომლობის გასამყარებლად, დამატებითი მტკიცებულებების წარდგენა დაავალა, რაც დღეს ჩანიშნული სასამართლო სხდომის გადადების მიზეზი გახდა.
საქმის განხილვა 13 ივლისს განახლდება.
სასამართლო პროცესის პარალელურად აქცია გაიმართა. მსჯავრდებულების ოჯახის წევრების თქმით, ისინი მოითხოვენ სამართლიან სასამართლოს და ობიექტურ გამოძიებას.
