ზესტაფონში მომხდარი მკვლელობის ფაქტზე სამივე დაკავებულს პატიმრობა შეეფარდა.
ქუთაისის საქალაქო სასამართლოს მოსამართლემ არ გაითვალისწინა ადვოკატების შუამდგომლობა და პოლიციელსაც და მამა-შვილსაც აღმკვეთ ღონისძიებად წინასწარი პატიმრობა შეუფარდა.
30 ივნისს მომხდარი მკვლელობის ფაქტზე დაკავებულ პირებს გამოძიება სხვადასხვა მუხლით ედავება.
ინსპექტორ-გამომძიებელი ცეცხლსასროლი იარაღის და საბრძოლო მასალის გადაცემის ფაქტზეა დაკავებული. ასაკოვან კაცს განზრახ მკვლელობას, მის შვილს კი მტკიცებულების განადგურებას ედავებიან.
ცნობისთვის, მკვლელობა ზესტაფონში 30 ივნისს მოხდა. სამართალდამცველებმა ფაქტზე სამი პირი დააკავეს.
