ALL Star-ის კვირეული ლებრონ ჯეიმსისა და იანის ანტეტოკუნმპოს გუნდების მატჩმა დააგვირგვინა. დაძაბულ ბრძოლაში ლებრონის გუნდმა 2 ქულიანი სხვაობით, ანგარიშით 157-155 იმარჯვა.
შეხვედრის MVP-ი ანუ ყველაზე სასარგებლო კალათბურთელი კავაი ლეონარდი გახდა, რომელმაც 30 ქულა, 7 მოხსნა, 4 ასისტი და 2 ჩაჭრა დააგროვა. კავაი ყველა ვარსკვლავთა მატჩის საუკეთესო მოთამაშე კარიერაში პირველად გახდა. შეგახსენებთ რომ საუკეთესო კალათბურთელის ჯილდო კობი ბრაიანტის სახელობის გახდა.
ანტეტოკუნმპოს გუნდში საუკეთესო იანისი იყო, ფორვარდმა 25 ქულა, 11 მოხსნა, 4 პასი, 3 დაფარება და 1 ჩაჭრა მოაგროვა.
Kawhi takes home the first-ever Kobe Bryant MVP Award! #NBAAllStar pic.twitter.com/cGPQqGPBb2
— NBA on TNT (@NBAonTNT) February 17, 2020
