ავსტრალიაში "ტარგა ტასმანიის" ავტორბოლის დროს, ორი დღის განმავლობაში სამი მრბოლელი გარდაიცვალა. ამის შესახებ ინფორმაციას გამოცემა The Washington Post ავრცელებს.
24 აპრილს, მსოფლიოში ყველაზე გრძელ და რთულ ტრასაზე, 68 წლის მრბოლელი შეინ ნავინი ავარიაში მოყვა. იგი Mazda RX-7 ავტომობილს მართავდა, მისი შტურმანი ცოცხალი გადარჩა.
ტრაგედიის მიუხედავად, შეჯიბრი გაგრძელდა. დღეს დილით კიდევ ერთი სასიკვდილო ინციდენტი მოხდა: ლი მუნდი და დენის ნიგლი Porsche 911 GT3 RS-ით ხეს შეეჯახნენ.
