"ბარსელონა" მზად არის ლაუტარო მარტინესში 111 მილიონ ევროზე მეტი გადაიხადოს. ინფორმაციას ამის შესახებ "კალჩომერკატო" ავრცელებს. "ინტერი" არგენტინელ ფეხბურთელს 150 მილიონ ევროდ აფასებს, თუმცა კონტრაქტში გამოსასყიდ თანხად 111 მილიონია ჩაწერილი. კატალონიური კლუბის სურვილია, რომ აღნიშნული თანხა ნაწილ-ნაწილ გადაიხადოს. ამით ის ფინანსური "ფეარ პლეის" წესს არ დაარღვევს. არაა გამორიცხული, რომ ბარსელონამ, სამხრეთ ამერიკელის შესაძენად, გარიგებაში სხვა ფეხბურთელებიც ჩართოს.
