ინდიან უელსის მასტერსის მეოთხედფინალში ქართველმა ჩოგბურთელმა ნიკოლოზ ბასილაშვილმა ბერძენი სტეფანოს ციციპასი (3) 6:4, 2:6, 6:4 დაამარცხა.
კარიერის მანძილზე ბასილაშვილი ციციპასს მესამედ შეხვდა და პირველად მოუგო.
ბასილაშვილის გამარჯვებას სოციალურ ქსელში გამოეხმაურა ქართველი ფეხბურთელი და მწვრთნელი შოთა არველაძე:
ბრავო ნიკა! - დაწერა მან facebook-ში და ბასილაშვილის გამარჯვების შესახებ ინფორმაცია გააზიარა.
ქართველი ჩოგბურთელი ნახევარფინალში ამერიკელ ტეილორ ფრიტცსა და გერმანელ ალექსანდერ ზვერევს შორის გამარჯვებულს დაუპირისპირდება.
ამ გამარჯვების შემთხვევაში ბასილაშვილი 160 000$-სა და 180 ქულას მიიღებს, რითაც მსოფლიოს 29-ე ჩოგბურთელი გახდება.
ტურნირის საპრიზო ფონდი 8 359 455 დოლარია.