20 წლის ფეხბურთელმა გიორგი წიტაიშვილმა საქართველოს მოქალაქის პასპორტი და, შესაბამისად, ეროვნული ნაკრების შემადგენლობაში თამაშის უფლება მიიღო, – ინფორმაციას საქართველოს ნაკრების ოფიციალური გვერდი ავრცელებს.
კიევის „დინამოს“ წევრს, გიორგი წიტაიშვილს საქართველოს პასპორტი და ეროვნული ნაკრების მაისური ფეხბურთის ფედერაციის ვიცე-პრეზიდენტმა ალექსანდრე იაშვილმა გადასცა.
ახალგაზრდა ფეხბურთელს ტრავმის გამო ბოლო პერიოდი არ უთამაშია და სავარჯიშო პროცესს კლუბთან ერთად უახლოეს პერიოდში განაახლებს.