იაპონიაში, ფუკუშიმას პრეფექტურაში ოლიმპიური ჩირაღდნის ესტაფეტა დაიწყო. ამის შესახებ NHK იუწყება.
კორონავირუსის საწინააღმდეგო შეზღუდვების ფონზე, ჟურნალისტების დასწრება ღონისძიებაზე შეზღუდულია. პირდაპირ ტრანსლაციას საორგანიზაციო კომიტეტის YouTube-ზე ახორციელებდა.
ესტაფეტა საფეხბურთო სასწავლო ცენტრში J-Village დაიწყო. პირველებმა ჩირაღდნები იაპონიის საფეხბურთო ქალთა გუნდის წევრებმა აიღეს ხელში. 2011 წელს სპორტსმენებმა გერმანიაში გამართული მსოფლიო ჩემპიონატი მოიგეს. მათი მონაწილეობა ცერემონიაში, ისევე როგორც პრეფექტურის არჩევა, იაპონელებისთვის ღრმად სიმბოლურია. ეს არის ქვეყნის აღდგენის განსახიერება 2011 წლის დამანგრეველი ცუნამისა და ფუკუშიმა -1 ატომურ ელექტროსადგურზე მომხდარი ავარიის შემდეგ.
ოლიმპიური ჩირაღდანი იაპონიის 47-ე პრეფექტურას გაივლის და 121 დღის შემდეგ ესტაფეტა ტოკიოში დასრულდება, სადაც 23 ივლისს ოლიმპიური თამაშები გაიხსნება.
