თბილისის „დინამოს“ ვეტერანთა გუნდი გერმანიის დედაქალაქ ბერლინში ლეგენდების თასის ფინალში ლევან კობიაშვილის „ჰერტასთან“ დამარცხდა და ვიცე-ჩემპიონის ტიტულს დასჯერდა. თავად კობიაშვილმა, პირველ თამაშში მიღებული ტრავმის გამო, თამაში ვერ შეძლო.
ნახევარფინალში „დინამომ“ ბრემენის „ვერდერი“ 5:2 დაამარცხა და ფინალის საგზური მოიპოვა.
ფინალში ბერლინელები თავიდანვე ორი გოლით დაწინაურდნენ. ალექსანდრე იაშვილმა სხვაობა შეამცირა, მაგრამ „ჰერტამ“ ორბურთიანი უპირატესობა ისევ აღადგინა. მალევე "ჰერტამ"კიდევ ორი გაიტანა და 5:1 დაწინაურდა.
თბილისელებმა მხოლოდ სხვაობის შემცირება მოახერხეს – მეტოქის კარში გოლი ლევან ცქიტიშვილმა გაიტანა.
საბოლოოდ, „ჰერტამ“ 5:2 გაიმარჯვა და ტურნირის გამარჯვებული გახდა. თბილისის "დინამო" ვიცე-ჩემპიონობას დასჯერდა.