გერმანიის ქალაქ ობერსტდორფში მიმდინარე ფიგურულ მოციგურავეთა შეჯიბრზე ქართულმა დუეტმა 17 წლის კარინა საფინამ და 18 წლის ლუკა ბერულავამ პეკინის 2022 წლის ზამთრის ოლიმპიური ლიცენზია მოიპოვა.
მათ სპორტულ შეჯიბრში მესამე ადგილი დაიკავეს და ბრინჯაოს მედალი დაიმსახურეს.
საფინამ და ბერულავამ მოკლე პროგრამაში 66.46 ქულა მიიღეს და პირველ ადგილზე გავიდნენ, თავისუფალ პროგრამაში კი 111.70 ქულა (54.16 ტექნიკური ელემენტებისთვის+57.54 პროგრამული კომპონენტებისთვის) დაიმსახურეს და მე-3 ადგილი დაიკავეს.