ლაშა შავდათუაშვილი მსოფლიოს წლის საუკეთესო მამაკაც ძიუდოისტად დაასახელეს. გამოკითხვა მსოფლიო ძიუდოს ფედერაციის ეგიდით მიმდინარეობდა.
საერთაშორისო ფედერაციამ კიდევ ერთი ქართველი, ილია სულამანიძე წლის ამომავალ ვარსკვლავად დაასახელა.
ლაშა შავდათუაშვილი 73 კილოგრამ წონით კატეგორიაში ასპარეზობს. მან წელს მსოფლიო ჩემპიონის ტიტული მოიპოვა. ის ქართულ ძიუდოს ისტორიაში ერთადერთია, ვინც შეძლო სამივე დიდი შეჯიბრების ოქროს მედლის მოპოვება. შავდათუაშვილმა ტოკიოს ოლიმპიურ თამაშებზე ოლიმპიური მედლების სრული კომპლექტი შეკრა.
