"მილანის" მთავარი მწვრთნელი სტეფანო პიოლი ახალი ტიპის კორონავირუსით დაინფიცირდა. მის შესახებ საფეხბურთო კლუბის პრესსამსახური იუწყება.
გავრცელებული ინფორმაციით, პიოლის კორონავირუსის სიმპტომები არ აღენიშნება, იგი ამ დროისათვის თვითიზოლაციაში იმყოფება.
პიოლი 55 წლისაა და "მილანს" სათავეში 2019 წლიდან უდგას. პანდემიის შემდეგ გამართული წარმატებული მატჩების შემდეგ, კლუბმა მასთან კონტრაქტის გახანგრძლივება მოისურვა. პიოლის 2-წლიანი კონტრაქტი გაუფორმეს, მას კლუბში 2022 წლამდე დატოვებენ.
