თბილისის საქალაქო სასამართლო, საქართველოს საუკეთესო ჩოგბურთელის, ნიკოლოზ ბასილაშვილის აღკვეთის ღონისძიების საკითხზე მსჯელობს. გავრცელებული ინფორმაციით, ქვეყნის ერთ-ერთი ყველაზე პოპულარული სპორტსმენი ყოფილი მეუღლის ცემის ბრალდებით დააკავეს.
სამართალდამცავებმა ბასილაშვილი 22 მაისს დააპატიმრეს. სანდო წყაროს ინფორმაციით, საქმეში ჩოგბურთელის მამაც ფიგურირებს. როგორც ირკვევა ნიკოლოზ ბასილაშვილი და მისი მამა, ჩოგბურთელის ყოფილ მეუღლეს ფიზიკურად 21 მაისს გაუსწორდნენ. სანდო წყაროს ინფორმაციითვე, ცემის ფაქტს არასრულწლოვანი შვილიც შეესწრო.
