ინდიან უელსის მასტერსის მეოთხედფინალში ქართველმა ჩოგბურთელმა ნიკოლოზ ბასილაშვილმა ბერძენი სტეფანოს ციციპასი (3) 6:4, 2:6, 6:4 დაამარცხა.
კარიერის მანძილზე ბასილაშვილი ციციპასს მესამედ შეხვდა და პირველად მოუგო.
შეხვედრის დასრულების შემდეგ, ნიკას კამერის ობიექტივზე სიმბოლურად საკუთარი ავტოგრაფი უნდა დაეტოვებინა, თუმცა ამის მაგივრად მან ობიექტივზე თავისი შვილის, ლუკასის სახელი დაწერა.
ბასილაშვილის გამარჯვებას განსაკუთრებული ემოციით და სიხარულის ცრემლებით შეხვდა მისი მეგობარი გოგო, გერმანელი სპორტსმენი შარლოტა ელენა.
ქართველი ჩოგბურთელი ნახევარფინალში ამერიკელ ტეილორ ფრიტცსა და გერმანელ ალექსანდერ ზვერევს შორის გამარჯვებულს დაუპირისპირდება.
ამ გამარჯვების შემთხვევაში ბასილაშვილი 160 000$-სა და 180 ქულას მიიღებს, რითაც მსოფლიოს 29-ე ჩოგბურთელი გახდება.
ტურნირის საპრიზო ფონდი 8 359 455 დოლარია.
