ბრაზილიის რიო-დე-ჟანეიროს ცნობილ საფეხბურთო სტადიონ "მარაკანას", შესაძლოა, ბრაზილიის ნაკრების წევრის, მსოფლიოს სამგზის ჩემპიონის, პელეს სახელი მიენიჭოს.
"ფეხბურთის მეფე, პელე, ყველა დროის, პლანეტის უდიდესი ფეხბურთელია. იგი წარმოადგენდა და წარმოადგენს ბრაზილიას", - განაცხადა მშრომელთა პარტიის დეპუტატმა.
პარლამენტარის ინიციატივას მხარი დაუჭირა მისი კოლეგების უმრავლესობამ და კანონპროექტის ინიციირება მოახდინა. ახლა მას ხელი გუბერნატორის მოვალეობის შემსრულებელმა, კლაუდიო კასტრომ უნდა მოაწეროს.
რეგიონის ხელმძღვანელის წარმომადგენელმა საკანონმდებლო ასამბლეაში, დეპუტატმა მარსიუ პაშეკუმ, ასევე დადებითად შეაფასა სტადიონისთვის სახელის შეცვლა.
"სტადიონისთვის მსოფლიოს უდიდესი ფეხბურთის სიმბოლოს, ფეხბურთის მეფის, პელეს სახელის მინიჭება არა მხოლოდ გამართლებული, არამედ აუცილებელიც კია, განსაკუთრებით მისი სიცოცხლის განმავლობაში", - აღნიშნა პოლიტიკოსმა.
პელემ ბრაზილიის ნაკრებში ბოლო თამაში 1971 წელს ლეგენდარულ სტადიონზე იუგოსლავიის წინააღმდეგ ითამაშა. საერთო ჯამში, თავდამსხმელმა ეროვნულ გუნდში 92 მატჩი ითამაშა და 77 გოლი გაიტანა. გოლების რაოდენობით, პელე კვლავ ეროვნული ბომბარდირის ისტორიაში საუკეთესო ბომბარდირია.
