საქართველოს ქალ მოჭადრაკეთა ნაკრების წევრებმა ამერიკის საჭადრაკო ფედერაციების ნაკრები გუნდი 3:1 დაამარცხეს და შესარჩევი ტურნირი პირველ ადგილზე დაასრულეს. ამის შესახებ ინფორმაციას სოციალურ ქსელში ჭადრაკის ფედერაცია ავრცელებს.
"საქართველოს ქალთა ნაკრებმა ქვეჯგუფის ბოლო შეხვედრაში, დიდი ანგარიშით 3:1 ამერიკის საჭადრაკო ფედერაციების ნაკრები გუნდი დაამარცხა და დამაჯერებლად დაიკავა პირველი ადგილი შესარჩევ ტურნირში!!!
პლეი-ოფის მეოთხედფინალური მატჩი ხვალ გაიმართება და ჩვენი ქალები აზერბაიჯანელ მოჭადრაკეებს დაუპირისპირდებიან", - აღნიშნულია ინფორმაციაში.
