უეფამ ინგლისის საფეხბურთო ასოციაცია 30 000 ევროთი დააჯარიმა. ამის მიზეზად დანიასთან გამართულ ნახევარფინალურ შეხვედრაში მეკარის მიმართ გაშვებული ლაზერის სხივი გახდა, რომელიც გულშემატკივარმა კასპერ შმიჩელს პენალტის დარტყმის დროს მიანათა. სანქციის მიზეზად სახელდება დანიის ეროვნული ჰიმნის დროს გულშემატკივრის შეურაცხმყოფელი ხმაური და ტრიბუნებიდან არასანქცირებული ფეიერვერკების გაშვებაც.
მიუხედავად ლაზერით მიყენებული დისკომფორტისა, შმიჩელმა პენალტი აიღო, თუმცა მისი განცხადებით, ამ ფაქტმა მის შემდგომ თამაშზე ზეგავლენა იქონია.
ინგლისი ევროპის ჩემპიონატის ფინალში იტალიას შეხვდება. ფინალი ხვალ, 11 ივლისს გაიმართება.