ალბანეთში მიწისძვრისას დაღუპულთა რიცხვი 39-მდე გაიზარდა. ამის შესახებ ქვეყნის პრემიერ-მინისტრმა, ედი რამამ განაცხადა.
მაშველები ნანგრევებში გადარჩენილი ადამიანების და ცხედრების ამოყვანას აგრძელებენ. მათ 45 ადამიანის გადარჩენა მოახერხეს.
წინასწარი მონაცემებით, 10-25 ადამიანი უგზო-უკვლოდ დაკარგულად ითვლება.
სტიქიით დაზარალებულთა რაოდენობა 650 აღწევს. აქედან 8 ადამიანის მდგომარეობა კრიტიკულია.
27 ნოემბერი ალბანეთში გლოვის დღედ გამოცხადდა.
ალბანეთში, დედაქალაქ ტირანადან ჩრდილო-დასავლეთით, 30 კილომეტრში, 6.4 მაგნიტუდის მიწისძვრა 26 ნოემბერს, გამთენიისას, 3.45-ზე მოხდა.
მიწისქვეშა ბიძგები დედამიწის ზედაპირიდან 10 კილომეტრის სიღრმეზე დაფიქსირდა. ძლიერი რყევები ალბანეთის მთელ სანაპიროზე იგრძნობოდა.
