იტალიელი მხატვრის, არტემიზია ჯენტილესკის ნახატი „ლუკრეცია“ 4,78 მილიონ ევროდ გაიყიდა. აუქციონი Artcurial პარიზში გაიმართა.
ნახატზე გამოსახულია რომაელი ლუკრეცია. ის საოცარი სილამაზითა და კეთილშობილებით იყო განთქმული. ლუკრეციამ თავი მოიკლა მას შემდეგ, რაც მეფის შვილმა, სექსტ ტარკვინიუსმა გააუპატიურა.
აღსანიშნავია, რომ თავად მხატვარი, არტემიზია ჯენტილესკის ძალადობის მსხვერპლი გახდა. მამის მეგობარმა, აგოსტინო ტასიმ ის მოზარდობის ასაკში გააუპატიურა. ტასი 1612 წელს გაასამართლეს. მისი გაუპატიურების საქმის სასამართლო განხილვის სტენოგრამა კი ცალკე წიგნად გამოვიდა სახელწოდებით: "არტემიზია ჯენტილესკი: ქალი გმირის სახე იტალიურ ბაროკოში".
