ყარაბაღში საომარი მოქმედებების სრული შეწყვეტის შესახებ აზერბაიჯანის, სომხეთისა და რუსეთის ლიდერების სამმხრივ განცხადების ხელმოწერის წლისთავთან დაკავშირებით, აშშ-ის სახელმწიფო დეპარტამენტმა მოუწოდა ბაქოსა და ერევანს, გაააქტიურონ კონტაქტები, მათ შორის ევროპაში უშიშროებისა და თანამშრომლობის ორგანიზაცია მეშვეობით, რათა მოგვარდეს კონფლიქტთან დაკავშირებული ყველა დარჩენილი საკითხი.
ამის შესახებ აშშ-ის სახელმწიფო დეპარტამენტის პრესსპიკერის, ნედ პრაისის განცხადებაშია აღნიშნული.
"მოვუწოდებთ სომხეთსა და აზერბაიჯანს, გააგრძელონ და გაააქტიურონ ურთიერთქმედება, მათ შორის ეუთო-ს მინსკის ჯგუფის თანათავმჯდომარეების ეგიდით, რათა იპოვონ ყოვლისმომცველი გადაწყვეტილებები ყველა გადაუჭრელი საკითხისთვის“, - განაცხადა ნედ პრაისმა.
მისი თქმით, აშშ სამხრეთ კავკასიის რეგიონის უსაფრთხო, სტაბილური, აყვავებული და მშვიდობიანი მომავლის ხელშეწყობის ერთგული რჩება.
პრაისმა აღნიშნა, რომ აშშ-ის სახელმწიფო მდივნის თანაშემწის მოადგილე ევროპისა და ევრაზიის საკითხებში ერიკა ოლსონი ამჟამად რეგიონში იმყოფება „სამივე ქვეყანასთან ორმხრივი საკითხების განსახილველად და რეგიონული თანამშრომლობის შესაძლებლობების შესასწავლად.“