აშშ-ში, ჯორჯიის შტატში, მსუბუქი თვითმფრინავის ჩამოვარდის შედეგად, სულ მცირე სამი ადამიანი დაიღუპა. ამის შესახებ CNN იუწყება.
გამოცემის ცნობით, გეინსვილის აეროპორტიდან აფრენილი Cessna-182-ის ტიპის თვითმფრინავი, რომელიც დეიტონას (ფლორიდა) სანაპიროსკენ მიემართებოდა, ხევში ჩავარდა.
შემთხვევის ადგილზე გეინსვილის მეხანძრეები მივიდნენ და სამი გარდაცვლილი იპოვნეს. საწვავის გაჟონვის გამო, ავარიის ადგილის მახლობლად მდებარე სახლის მაცხოვრებლების ევაკუაცია გამოცხადდა.