ავსტრალიის სიდნეი ახალი სამხრეთ უელსის შტატში კორონავირუსის ახალ კერად გამოცხადდა. ამის შესახებ კუინზლენდის შტატის პრემიერმა, ანასთეიშა პალაშუკმა განაცხადა.
"შაბათიდან, 01.00-დან სიდნეიდან კუინზლენდის ტერიტორიაზე აღარავის დაუშვებენ. ჩვენ სწრაფად ვმოქმედებთ და კუინზლენდის მოსახლეობის ჯანმრთელობას პირველ ადგილზე ვაყენებთ", - წერს პალაშუკი "ტვიტერში".
მისი თქმით, კუინზლენდის მოსახლეობა სიდნეიდან დაბრუნებას შეძლებს. შტატში შემოსვლისთანავე ისინი 2 კვირით სასტუმროში უნდა დაბინავდნენ და თვითიზოლაციის ხარჯები თავად დაფარონ.
28 ივლისს ავსტრალიაში, ვიქტორიას შტატში კორონავირუსით ინფიცირების შემთხვევების მკვეთრი ზრდის გამო 63 სკოლა დაიხურა.
