აზერბაიჯანის თავდაცვის სამინისტროს პრესსამსახურის განცხადებით, სომხეთის ტერიტორიიდან მინგაჩევირის მიმართულებით ნასროლი ბალისტიკური სამიზნე საჰაერო თავდაცვის სისტემებმა აღმოაჩინა და 20 კმ-ზე მეტის სიმაღლეზე განადგურდა.
-11:14-
სომხეთის შეიარაღებულმა ძალებმა გორანბოის, ტერტერისა და აღდამის რეგიონებში სოფლებს ცეცხლი გაუხსნეს, - ინფორმაციას ამის შესახებ აზერბაიჯანის თავდაცვის სამინისტრო ავრელებს.
-10:15-
სომხეთის შეიარაღებული ძალების მე -5 სამთო-მსროლელი პოლკის შტაბის შენობა გაანადგურა. ინფორმაციას ამის შესახებ აზერბაიჯანის თავდაცვის სამინისტროს პრესსამსახური ავრცელებს.
შედეგად, შენობაში მყოფი, მე-10 სამთო-მსროლელი პოლკის შტაბის უფროსი, პოლკოვნიკი სამველ გრიგორიანი, მძიმედ დაიჭრა, პოლკის არტილერიის უფროსი, ვიცე-პოლკოვნიკი არმან დერმეიანი და დიდი რაოდენობით სამხედრო მოსამსახურე დაიღუპნენ.
ამასთან, უწყების ინფორმაციით, სომხეთის შეიარაღებული ძალების სამხედრო ნაწილების პერსონალი, რომლებმაც აზერბაიჯანის ჯარის დარტყმის შედეგად დიდი დანაკარგი განიცადეს, ევაკუაციას ახორციელებს. ხანქენდის ერთ-ერთი სამხედრო ნაწილის თავშესაფრის საარტილერიო დაბომბვის შედეგად დიდი რაოდენობით სამხედრო დაიღუპა და დაიჭრა.
უწყების ინფორმაციით, დღეს და გუშინ ღამე აზერბაიჯანის არმიამ გაანადგურა სომხეთის შეიარაღებული ძალების 13 ტანკი T-72, 2 ქვეითი საბრძოლო მანქანა, 4 სარაკეტო სისტემა "გრადი", 3 ქვემეხი, 2 რადიოლოკაციული სისტემა, დიდი რაოდენობით საავტომობილო ტექნიკა.
ფრონტის ერთ-ერთი მიმართულებით ჩატარებული საბრძოლო ოპერაციის შედეგად, ტყვედ აიყვანეს 6 ტანკიT-72 სრულად მუშა მდგომარეობაში, რომლებიც სომხეთის შეიარაღებული ძალების 49-ე სატანკო ბრიგადას ეკუთვნის.
