აზერბაიჯანის საგარეო საქმეთა მინისტრ ჯეიჰუნ ბაირამოვსა და რუსეთის საგარეო საქმეთა მინისტრ სერგეი ლავროვს შორის სატელეფონო საუბარი გაიმართა. ორი ქვეყნის საგარეო საქმეთა მინისტრებმა მთიან ყარაბაღში ცეცხლის შეწყვეტის შესახებ სამმხრივი შეთანხმებების შესრულების საკითხები და რეგიონში არსებული მდგომარეობა განიხილეს.
სატელეფონო საუბრების მიმდინარეობისას ლავროვმა და ბაირამოვმა დაადასტურეს რეგიონში ჰუმანიტარული პრობლემების მოგვარებაში საერთაშორისო ორგანიზაციების, მათ შორის გაერო-ს ლტოლვილთა უმაღლესი კომისარიატის ოფისის ჩართვის აუცილებლობა.
შეგახსენებთ, 10 ნოემბერს სომხეთის პრემიერმა ნიკოლ ფაშინიანმა მთიან ყარაბაღში ომის დასრულების შეთანხმებას ხელი მოაწერა, რის შემდეგაც, აზერბაიჯანის პრეზიდენტ ილჰამ ალიევს, სომხეთის პრემიერ-მინისტრ ნიკოლ ფაშინიანსა და რუსეთის პრეზიდენტ ვლადიმერ პუტინს შორის გაფორმებული შეთანხმება ძალაში შევიდა.
